Zbatimi i Punës Konservim-Restaurimi mbi Ikonat e Fronit nga Kisha e Shën Shpëtimit në Shkup

IK Qendër Konservimi Shkup, brenda programit të rregullt vjetor, deri në fund të shtatorit përfundoi me realizimin e punëve konservim-restauruese mbi ikonat e fronit nga kisha e Shën Shpëtimit në Shkup. Është vendosur edhe e fundit nga dhjetë ikonat e fronit të konservuara plotësisht dhe dera veriore e ikonostasit. Kjo është ikona "Jezus Krishti Pantokrator", e cila për shkak të pranisë së pikturës shumështresore që daton nga periudha të ndryshme kohore, pak e komplikoi dhe zgjati procedurën konservuese. Ekipi i punës i përbërë nga: Petar Gerasimov, konservator këshilltar, udhëheqës; M.A. Labin Tomovski, konservator këshilltar, anëtar dhe M.A. Liljana Kekenovska, konservatore e lartë, anëtare, i përfundoi me sukses punët e mbrojtjes së drejtpërdrejtë të kësaj faze. Punët konservim-restauruese mbi 29 ikonat festive të mbetura nga zona e sipërme, kryqi i madh me Kryqëzimin e Krishtit dhe ikonat shoqëruese, vazhdojnë...